डोंबिवलीत गॅॅस वितरकांची दादागिरी...
घरगुती गॅॅसचा सुरक्षा पाईप बदला अन्यथा पुरवठा खंडित करण्याची धमकी दिल्याची तक्रार
डोंबिवली : ( शंकर जाधव) डोंबिवली परिसरात सुमार १ लाख २० हजार घरगुती गॅॅस धारक आहेत व १२ वितरक गॅॅस वितरणाचे काम करतात. यापैकी काही गॅॅस वितरकांचे कर्मचारी घरातील एकटी महिला बघून गॅॅसचा सुरक्षा पाईप तातडीने बदलण्याची धमकी देतात व न केल्यास गॅॅस पुरवठा खंडित करण्याची धमकी देत असल्याची तक्रार आहे. एका ठिकाणी तर पाईप बदलण्यास नकार दिला म्हणून गॅॅस सिलेंडरच उचलून नेल्याची घटना घडली आहे.गॅॅस वितरकांच्या दादागिरीमुळे ग्राहक उघडपणे बोलण्यास तयार नाही.
गॅॅस कंपनी घरगुती सिलेंडरसाठी जो सुरक्षा पाईप लाईन बसवते. त्याची पाच वर्षांची मुदत असते व दर दोन वर्षानी तो पाईप तपासणी करुन धेणे ग्रहकांच्या दृष्टीने फायद्याचे आहे एखाद्या ग्राहकांने गॅॅस पाईप बदलण्यास वा तपासण्यास नकार दिला तर वितरकाना तशी मनमानी करता येत नाही पण डोंबिवलीत अशी धटना घडत असून यामुळे नक्की नियम काय असा सवाल विचारला जात आहे शिवाय या पाईपची अधिकृत किंमत १७७ रुपये असताना कर्मचारी चारशे पाचशे रुपयांची मागणी करुन लूट करत असल्याच्याही तक्रार आहेत.मात्र दर पाच वर्षांनी जरी सुरक्षा पाईप बदलणे आवश्यक असले तरी काही ग्राहकांनी २००५ मध्ये सुरक्षा पाईप बसवला पण काही होत नाही असे समजून तो बदलण्यास नकार दिला जात आहे यासंदर्भात ठाणे रायगड जिल्हयाचे गॅॅस सघटनेचे सचिव अतुल देसाई यांना विचारले असता त्यांनीही जर एखाद्या ग्राहकांनी सुरक्षा पाईपची तपासणी केली नाही तर गॅॅस कोणत्याही कारणांने बंद करता येणार नाही असे सांगीतले.मात्र दोन वर्षानी पाईप तपासून घेणे हे गॅॅस धारकांच्या हिताचे असल्याचे त्यानी निदर्शनाला आणले. मात्र यासाठी जबरदस्ती नको असा सल्ला त्यांनी दिला.
Post a Comment